عشرين مليون مصري

عشرين مليون مصري رقم موش قليل بس فكرتني اعلانات شركة الاتصالات الشهيرة باقتراح كنت بفكر فيه طيب يحصل إيه لو حققنا إللي بيتقال في الاعلان لو فعلن ينفع يعني العشرين مليون دول يقدرو يزرعو ا مصر كلها في ستة اشهر بس ده يبقى شئ عظيم ولا هنحتاج لمعونة ولا حتى لاستيراد يعني احنا عندنا موارد بشرية رهيبة أنا بس بتكلم على 1/4 الشعب بس يعني المفروض انهم يكونو من الطبقة المتعلمة أو المثقفة عشان يمكن يقدروا يعملو نهضة. طيب لو فكرنا وقولنا 1/4 الشعب دول لو احنا أسسناهم كويس بحيث أنهم هما اللي يقودونا لقدام يعني هما إللي يعملوا الفرق تفتكروا ينفع... أظن انه ممكن عشان احنا طول عمرنا شعب ذكي أه الظروف دايما ضدنا ويمكن اقوى مننا بس كنا دايما بنقوم ونهد كل العوائق إللي يمكن تدمرنا نقلبها نقط لصالحنا احنا اللي نستفاد منها بشئ من الايجابية... مين عارف يمكن نقدر نصلح اللي كتير معرفوش يصلحوه يمكن البركة تكون في العشرين مليون مصري مش عشان اختاروا شبكة واحدة بس عشان اختاروا يقوموا قومة راجل واحد ضد استعباد الافكار ومبدأ القطيع قرروا انهم يكونوا مختلفين مش عشان متعلمين بس عشان نظرتهم للمستقبل فيها أمل مبني على حقائق مش أمل لمجرد الأمل
عشرين مليون مصري... يقدروا ينضفوا شوارعنا
عشرين مليون مصري... يقدروا يحفروا قناة سويس تانية
عشرين مليون مصري يقدروا يزرعوا مصر كلها في 6 شهور
عشرين مليون مصري يقدروا يمحو أمية 40 مليون شخص على الأقل
عشرين مليون مصري يقدروا يعملوا كتيييييييييييير قوي بس احنا نشجعهم