عفواً....! مش عايزين رجولة

غزت بيوتنا مؤخراً هوجة من اعلانات "استرجل" بس محدش فكر اذا كانت فعلاً الاعلانات دي هيكون تأثيرها ايه علي اي شاب صغير لسة بيحبو خطواتة نحو رجولته لما يشوف اعلان زي ده واحد يقوله "استرجل" شخصية البنت اخر حاجة تعلق عليها . طيب يعني لازم يعلق الاول على اية جسمها، صدرها، شعرها، لبسها ولا يمكن ضوافرها!!! يعني من الاخر مفيش فايدة لازم يعودو الاولاد ان البنت او الست مجرد حاجة حلوة تتفرج عليها تمثال يمثل للرجالة او يجسد لهم شهوة او نزوة لافراغ رغباتهم بس مش انسان زيها زيه حتى لو هي شخصيتها وحشة او فيها عبر الدنيا في الاول والاخر هي مجرد شئ تحت رحمة الذكر "المسترجل" بس
اعلان تاني يقولك ايه الازازة تتحط في اي حتة يعني من الاخر بيعلم العفانة ليه عشان صاحبه ال كان بيحط الازازة فوق "الكوستر" او ورقة حتي ماهو مش مهم مش فية معزة هتنضف اياً كانت صفة المعزة دي بس المهم انها هتنضف العفانة بتاعت الذكر "المسترجل" فين بقى الفايدة من اي من اعلانات الشركة دي غير انهم بيسممو فكر الشباب ال يعني هو ناقص حد يبوظ فية اكتر ما هو بايظ ...حسبي الله ونعم الوكيل