حاجة وسخة الجزء التالت

لما يبقى كل اللي عايشين عليه مجرد شعارات فارغة هنكون بنضحك على نفسنا وللا على الاجيال اللي جاية وللا الحكومه هي اللي بتضحك علينا مهو ربنا عرفوه بالعقل يعني لما زمااااااااااااااااااان يقولوا الشرطة في خدمة الشعب و بعدين فجأة تكتشف ان الشرطة والشعب في خدمة الوطن طب لما انا والشرطة نخدم الوطن ويجي الوطن يخزوءنا ناخد حقنا منيين "نروح اسرائيل"طب ولاما يكون الوطن مخزوءنا واحنا ساكتين و صابريين بس تيجي كمان الشرطة تخزوءنا زيادة لأ بقي ده يبقى كتييييربصراحة انا موش ضد البلد انا فعلا بحب مصر فوق الوصف ونفسي نكون احسن بلد في العالم موش عشان هي بلدي بس عشان احنا فعلاً عندنا المقومات الكتيرة لبلد عريق والعقليات الجبارة اللي بس محتاجة اللي يقدر يوجهها قبل ما تفقد الامل وتبيع القضية انا بس ضد السلطة المطلقة اللي بيتمتع بيها اي حد في منصب كبير بحس انها حتى لو الانسان ده مثالي هتكون هي مصدر ضعفه و هتحوله لانسان جشع اناني مغرور لان هي دي الطبيعة البشرية و هو ده حال الشرطة للاسف في وطني العزيز.
كلمة اخيرة ملهاش اي علاقة بالموضوع اللي فات لما تصحى من النوم تلاقي تليفون البيت موش شغال ده شيء عادي بيحصل بتبلغ وتتصل وتنتظر اننهم يصلحوه و المفروض مياخدش وقت لانهم لسة مصلحين الكبلات اللي اتسرقت من فترة قريبه ما علينا تفوت ايام واسابيع ومفيش تغيير قول شهر وكسور و تفاجاء بيهم بيتصللوا بيك يقولولك هي نمرتك كام عشان نوصل الخط!!!!! و تكتشف بمحض الصدفة الغريبة ان اصلاً تليفونك نمرته اتغيرت!! والمفروض انك تروح السنترال تعرف النمرة الجديدة عشان سعادة الموظف لما يكلمك تقولوا النمرة الجديدة يقوم موصلك الخط ولو كل ده حصل بعد كام يوم-متخافش الخط لسه موجود- تلاقي حد بيتصل بيك يقولك على فكرة "لأ موش الكاميرا الخفية" النمرة دي بتاعتي انا و هما ركبوا الخط غلط!!!!!
تفتكروا و ده بيحصل في بلدنا المحروسة الخالية من الفقر واللي اهلها عايشين في "رفاهية" ممكن في يوم نتقدم خطوة حقيقية لقدام و فكر الموظف المصري بالتفكير الرجعي ده؟؟!!