حاجة وسخة الجزء الثاني

لما يبقى حاميها حراميها و كل عناصر الشرطة مخزوءين الشعب اللي يصور تحرشاته بمتهم وهتك عرضه , يا اخي ده لو كان ابن كلب و فيه العبر كلها تهين كرامته ليه ده لو أسير حرب كان التعامل معاه هيكون احسن.

ونفس الحُُُماة لما يكونو بيستغلو سلطتهم في مكاسبهم الشخصية مين يحاسبهم دحنا كدة نبقى عملنا زي المثل اللي كلنا عارفينو :سيبنا للقط مفتاح الكرار. اللي يوقف سواق ميكروباص عشان ياكل منه بريزة ولا اكتر وللي يمشي اشارة المرور على هواه عشان بنت حلوة غمزتلو.

لمل الواحد منهم بالرغم من اليافطة الواضحة اللي تسد عين الشمس في المواصلات العامة عن عدم الاعتراف "بالكرنيهات" وما شابه و يطلع برضة بالكرنيه حتى لو كان مخبر.

لما تبقى الشوارع مكسرة والرصيف مش موجود و محتاجين لتصليح وهما كل اللي طالع من زمتهم يدهنو السور ورصيف الكوبري ابيض و اسود "لا حول ولا قوة الا بالله" اصل مبقاش مش لاقي اكل و اروح اشتري ببيونة دي تبقى حاجة تشل.

زي في الجامعات الحكومية لازم الميزانية تتصرف نظام ناس حافظة موش فاهمة لما في كل ميزانية جزء مخصص لتجديد الحمامات طيب لو هي لسة شغالة ليه منحطش الفلوس دي في حاجة تصب في نفس البند يعني مثلا اللي بيروح جامعة عين شمس يعرف حماماتها عاملة ازاي مفيش نضافة مفيش مية حاجة غير ادمية ماهو ممكن بند الفلوس دة يروح للدادات زيادة لتنضيف الحمامات بشكل دوري عشان تفضل نضيفة مش مرة في اليوم وانت و حظك و مش نمسك الحمامت السليمة ندشدشها ميييييييييييييت حته لمجرد بس اننا نصرف الميزانية بحذافيرها والا يبقى عليه العوض ومنه العوض علينا شعب راح ضحيية الروتين الهدام.

حاجة وسخة

لما تلاقي واحد راكب عربية جنب السواق ويعدي علي واحدة ماشية في الشارع يحسس عليها تبقي حاجة....؟
لما تلاقي شاب لسة براعم الرجولة بتتفتح في وشه وفي وسط زحمة الاشارة يختار هو وصاحبه السيارة المختارة (سايقاها واحدة) ويجرو قبل الاشارة ماتفتح عشان ايد واحد منهم اللي يكسب الرهان ويحسس علي اللي يقدر عليه....؟
لما تلاقي واحدة بنت او ست راكبة المواصلات و محدش يهون عليه انه يقوم ويقعدها حتي لو ست كبيرة يعني هي لو اخت حد منهم هيرضي يقعد وهي تقف....؟
وفي نفس المواصلة اتفرج لما تيجي واحدة نازلة وياسلاااااام لو زحمة محدش عنده دم يرضى ينزل لحد ماتعدي لا الضربة لاحقاهم وكلو يديها ضهره ويقول لها عدي و طبعا التعدية دي لاتخلو من ان جسمها يحك في جسمه....؟
ولما تقعد ومش مدية خوانة وتلاقي اللي ايده (اللهي ينشك فيها) معدية من بين الكراسي عشان يحسس....؟
أنا فعلا اسفة لكل من قرا اللي فات و حس بشكل او بأخر ان الكلام اللي فيه كلام مايصحش و انني تماديت شوية في الاسلوب بس اعذروني يا جماعة المواقف اللي فاتت حصلت و بتحصل وانا اما مريت بيها او شفتها بعيني ونرجع نقول الدنيا جرى فيها ايه؟؟ والمشكلة فينا احنا (نعيب زماننا والعيب فينا) لو ان كل ام بتربي ابنها علي ان كل بنت او ست في الشارع دي زي امك او اختك حتي لو كانت فيها العبر كلها ربنا اللي هيحاسبها وان لو هو في مواصلات الاولوية للكبار والسيدات مش ان واحد يتخانق مع تباع الميكروباص عشان قاللو يا بيه الست جاية تجري ده مكانها-يرد يقولو يعني انزل ولا ايه هو احنا في الفلاحيين.... للدرجة دي وصلنا فعلا بقينا نستعر من قيمنا الجميلة بكل ما فيها من احترام لكل الفئات فعلا خسااااااارة